Маълумки Камбағалликни қисқартириш ва бандлик вазирлиги ва унинг вилоят бошқармалари томонидан аҳоли бандлигини таъминлаш мақсадида бир қатор лойиҳалар амалга оширилиб келинмоқда.Шу жумладан Наманган вилоятида ҳам самарали ишлар ташкил этилмоқда. Бугун Наманган вилояти ҳокимининг ўринбосари Д.Якубова Швейцария Конфедерациясининг “Globogate Concept AG” ташкилоти раҳбари Dr. Johannes Meyer билан учрашув ўтказди.

2024-04-17

---

Учрашувда ҳамкорлик доирасида ўзбекистонлик ўрта бўғин тиббиёт ҳодимларини немис тилига ўқитиш ва дастурни мувафаққиятли якунлаган иштирокчиларни Германия шифохоналарида бандлигини таъминлаш лойиҳаси бўйича муҳокама қилинди. 

Шундан сўнг, Республика Шошилинч тез ёрдам илмий маркази Наманган филиалида Германияда ўрта тиббиёт соҳасида ишлаш истагида бўлган тиббиёт ходимлари иштирокида давра суҳбати ўтказилди ва лойиҳа талаблари, яратиб бериладиган шароитлар, имтиёзлар ва бошқа муҳим маълумотлар юзасидан тақдимот тарғиботи ўтказилди.