Наманган вилояти ҳокими Шавкатжон Абдураззоқов Уйчи туманида ижтимоий-иқтисодий соҳаларда амалга оширилаётган ишлар билан танишмоқда.

2025-11-27

Наманган вилояти ҳокими Шавкатжон Абдураззоқов Уйчи туманида ижтимоий-иқтисодий соҳаларда амалга оширилаётган ишлар  билан танишмоқда.

Овчибулоқ МФЙдаги 2-сектор ҳудудида  жойлашган "Бриг форм" МЧЖда махсус ишчи кийимлар тайёрлаш йўлга қўйилган. Маҳсулотлар асосан Россия давлатига экспорт қилинади.  Бу ерда 120 нафар хотин-қиз, ёшларнинг доимий бандлиги таъминланган. Уларнинг йигирмадан ортиғи "Аёллар дафтари"га олинган хотин-қизлардир. Келгусида яна бу ерда қўшимча 50 та ишчи ўрни яратилиши кўзда тутилган. 

Вилоят ҳокими корхона фаолияти ва унинг истиқболдаги  режалари билан танишиб, фаолиятни кенгайтириш бўйича таклифларини берди.