Олий Мажлис Қонунчилик палатаси ва маҳаллий кенгашлар депутатлари сайловига тайёргарлик ишчи гуруҳ нигохида. Маълумки, жорий йилнинг 27 октябрида мамлакатимизда муҳим сиёсий жараён яни Олий Мажлис Қонунчилик палатаси ва маҳаллий кенгашлар депутатлари сайлови бўлиб ўтади. 5 сентябрдан бошлаб туман сайлов комиссияси ҳамда участка сайлов комиссиялари аъзолари учун ўқувлар бошланди. Унда тренерлар томонидан сайлов қонунчилиги бўйича машғулотлар олиб борилади.

2024-09-11

Олий Мажлис Қонунчилик палатаси ва маҳаллий кенгашлар депутатлари сайловига тайёргарлик ишчи гуруҳ нигохида.

Маълумки, жорий  йилнинг 27 октябрида мамлакатимизда муҳим сиёсий жараён яни Олий Мажлис Қонунчилик палатаси ва маҳаллий кенгашлар депутатлари сайлови бўлиб ўтади. 

5 сентябрдан бошлаб туман сайлов комиссияси ҳамда участка сайлов комиссиялари аъзолари учун ўқувлар бошланди. Унда тренерлар томонидан сайлов қонунчилиги бўйича машғулотлар олиб борилади.

Жойларда мазкур сиёсий жараёнга кўрилаётган тайёргарликни кўздан кечириш мақсадида вазирлик ва идоралар вакилларидан ишчи гуруҳ тузилган бўлиб куни кеча Наманган вилоятдида Камбағалликни қисқартириш ва Бандлик вазири маслаҳатчиси Ботирали Парпиев раҳбарлигида ишчи гуруҳ аъзолари вилоятнинг Учқўрғон, Норин, Уйчи, Тўрақўрғон, Чуст, Поп  каби бир қатор туманларида бўлиб жараёнлар билан танишдилар. 

Вазир маслахатчисига ҳамроҳлик қилган туман хокимлари ва маъсуллар дастлаб бир қатор мактабларда бўлдилар.   Сайлов комиссиялари аъзолари билан бу йилги муҳим сиёсий жараёнларни ўтказиш тартиби, янгиликлар тўғрисида мулоқот ўтказилди.

Вазир маслахатчиси худудларни кўздан кечирар экан, мазкур жараённи кўтаринкиликда ва сиёсий билимни оширган холда барча шароитлар мужассамлигига алоҳида эътибор қаратди. 

Айрим мактабларнинг  ободонлаштириш ишларига ва санитар холатларига эътибор қаратиш лозимлиги хусусида маъсулларга кўрсатмалар берди. 

Камбағалликни қисқартириш бандлик бош бошқармаси