Davlat bayrog‘idan qanday hollarda foydalanish mumkin?

"O‘zbekiston Respublikasining Davlat bayrog‘i to‘g‘risida"gi O‘zbekiston Respublikasi Qonuniga o‘zgartirish va qo‘shimchalar kiritish haqida"gi Qonun imzolangan bo‘lib, bayroqdan foydalanilishi mumkin bo‘lgan holatlar safi kengaytirildi. Unga ko‘ra: 

➡️ jamoat joylarida; 
➡️ binolarda;
➡️ yashash yoki ish joylarida;
➡️ transport salonida;
➡️ sport musobaqalarida;
➡️ ommaviy, tantanali va madaniy tadbirlarda;
➡️ oilaviy bayramlarda;
➡️ xotira sanalarni nishonlashda;
➡️ jamiyat va davlat arboblari, shuningdek harbiy xizmatchilar dafn marosimlarida;
➡️xalqaro sport musobaqalari hamda O‘zbekiston chempionatlari uchun sport kiyimlarini tayyorlash uchun bayroqning tasviri tushirilgan belgilardan  foydalanish mumkin.

❗️Bayroqqa nisbatan hurmatsizlik qilish holatlari qonun bilan ta’qiqlangan:

➡️ bayroqdan va uning tasviri tushirilgan belgilardan yirtilgan, ifloslangan, teshilgan, rangi oqargan holda va boshqa nomaqbul tarzda foydalanish;
➡️biror-bir narsa uchun ustki yoping‘ich sifatida foydalanish;
➡️ stollarga, o‘rindiqlarga, stullarga to‘shash yoki tasvirlash, undan qoplama sifatida foydalanish, o‘tiriladigan boshqa joylarga yoki oyoq ostiga to‘shash yoki tasvirlash;
➡️ kiyim-kechak, dastro‘mol yoki ko‘rpa-to‘shak sifatida, buyumlarni saqlash va tashish uchun foydalanish;
➡️bayroq tasviri tushirilgan belgilarni poyabzal, dastro‘mol, ko‘rpa-to‘shak, ichki kiyim-kechakga, sochiqlarga, qutilarga (o‘rovlarga), bir marta foydalanish va tashlab yuborish uchun mo‘ljallangan buyumlarga bosib chiqarish yoki uning tasvirini boshqacha tarzda tushirish;
➡️ bayroq va uning tasviri tushirilgan belgilardan odob-ahloq qoidalari va jamiyatda yurish-turish qoidalariga zid ravishda foydalanish mumkin emas.

BATAFSIL:  https://lex.uz/acts/-100122