Namanganni ishsizlikdan holi hududga aylantiramiz! Bu yilgi maqsad va rejalar esa yanada ulkan. Namangan viloyati hokimi Shavkatjon Abdurazzoqov shahar va tumanlar kesimida ayni yoʻnalishda ishlab chiqilgan dasturlar, yangi loyihalar taqdimoti bilan tanishdi.

2024-03-14

Namanganda oʻtgan yili bandlik dasturi doirasida 564,6 ming nafar aholini ish bilan taʼminlash rejalashtirilib, amalda 587,8 ming ishsizlar band qilindi. Natijada, viloyatda ishsizlik darajasini yil boshidagi 8,9 foizdan 8,1 foizga hamda kambagʻallikni 12,9 foizdan 10,5 foizga kamaytirishga erishildi.

---

---

 

Viloyat rahbari har bir hudud imkoniyatlari va drayveridan kelib chiqib, dasturlarni yanada boyitish kerakligini taʼkidladi. Ayniqsa, migratsiyadan qaytganlar uchun yangi ish oʻrinlari yaratish va yoshlarni har tomonlama qoʻllab-quvvatlash kabi masalalarga eʼtibor qaratib, loyihalarni yanada takomillashtirish lozimligi aytib oʻtildi.

Bu borada shahar va tumanlar hokimlari, sektorlar rahbarlari, mutasaddi idoralar masʼullariga tegishli topshiriq hamda koʻrsatmalar berildi.