#xalqaro_uchrashuv O‘zbekiston - Rossiya | Rossiya Federatsiyasi Sverdlovsk viloyatidan tashrif buyurgan delegatsiya Namangan shahridagi “Ishga marhamat” monomarkazida bo‘ldi. Delegatsiya vakillari Namangan viloyati Oliy ta’lim, fan va inovatsiyalar boshqarmasi, Kambag‘allikni qisqartirish va Bandlik bosh boshqarmasi, Tashqi mehnat migratsiyasi hamda “Ishga marhamat” monomarkazi a’zolari bilan birgalikda markazning majlislar zalida uchrashuv tashkil etildi.

2024-06-21

#xalqaro_uchrashuv 

O‘zbekiston - Rossiya |  Rossiya Federatsiyasi  Sverdlovsk viloyatidan tashrif buyurgan delegatsiya Namangan shahridagi “Ishga marhamat” monomarkazida bo‘ldi.

Delegatsiya vakillari Namangan viloyati Oliy ta’lim, fan va inovatsiyalar boshqarmasi, Kambag‘allikni qisqartirish va Bandlik  bosh boshqarmasi, Tashqi  mehnat migratsiyasi   hamda “Ishga marhamat” monomarkazi a’zolari bilan birgalikda markazning majlislar zalida uchrashuv tashkil etildi.

Uchrashuvda bugungi kunda aholini ishsiz qatlamini bandligini ta’minlashda ularni kasb-xunarga o‘qitish, tajriba va malakalarini oshirishda olib borilayotgan amaliy ishlar xususida tushuncha berildi. 

Qolaversa, aynan yurtboshimiz tashabbusi bilan tashkil etilgan bunday markazlar bugun qanchalar ahamiyat kasb etayotganligi xususida ham so‘z bordi. 

Davlatlar o‘rtasidagi o‘zaro hamkorlik kelgusida yoshlarni, xotin-qizlarni, umuman olganda aholining ishsiz qatlamini bandligini ta’minlashda muhim ekanligi ta’kidlandi. 

Shu kuni mehmonlarga  markazda faoliyat olib borayotgan barcha yo‘nalishlar bilan birma-bir tanishtirib o‘tildi.

Kambag‘allikni qisqartirish va bandlik bosh boshqarmasi