#Mahallabay_ishlash_tizimi Chortoq tumani 1-sektor hududidagi "Obod diyor" mahallasida tikuvchilik korxonasi faoliyati kengaymoqda Yurtimizdagi ishbilarmonlik muhiti, respublika ishchi guruhining manzilli o‘rganishlari, muammo va takliflarni tinglagan holda tadbirkorlarga ko‘rsatgan amaliy ko‘magi samarasi bu, albatta. "Pro eksport tekstil" MCHJ nomi ostida faoliyat yuritayotgan ushbu korxonada trikotaj mahsulotlari ishlab chiqariladi. Bu yerda dastlab 30 nafar ayollarning bandligi ta’minlangan edi. Viloyat Mahallabay ishlash va tadbirkorlikni rivojlantirish boshqarmasi tomonidan subsidiya asosida 23 ta zamonaviy tikuv mashinasi olib berilib, bo‘sh turgan bino ta’mirlandi. Kooperatsiya tashkil etilishi natijasida bu yerda band bo‘lgan ayollar soni 50 nafarga yetkazildi.